عِيدك يا ست الكل ( بمناسبة اليوم العالمى للمرأة )
===========================
عيدك انتى مش الكلام بنرتبه
ولا هوا شعر اللى بقلمنا بنكتبه
دا كل يوم من عُمرنا وبنحسبه
هوا الأمان اللى نحبه ونطلبه
علشان عيونك البعيد حَنقَربه
وف عيدك إنتى السرور بيحل
ما إنتى لحياتنا زى زهر الفل
عِطر الحنان منك يفوح ويِهل
شمس الأمل على الدوام بتطُل
ومحبتك لينا هى الشجر والضِل
قلبك كبير لا عُمره ضاق ولامَل
بوسع الكون ولا إشتكا ولا كَل
أصل الوجود إنتى ياست الكُل
زى الجذور منك فروع ممدوده
قريبه من قلبك وعليكى مسنوده
بترتوى بحبك وعايشه مَسعوده
بتحس بوجودها لو إنتى موجوده
منى أنا ليكى فى عيدك الورده
بيضا مِتعَطَرَه ويا شموع قايده
رمز لمحبتى وكمان تكون شَاَهده
====================
تعليقات
إرسال تعليق