حقك عليا
كلمات / أيمن البكري
حقك عليا يادنيا
أسف قوي وغلطان
أنا إل فهمتك غلط
وأديني أهوه ندمان
كنت فاكر الطيبه والاءخلاق
دي أو حاجه ف الاءنسان
طلعت الناس شايفاني
أناني وضعيف وجبان
حقك عليا يادنيا
تعبت من كتر المعافره والتخبيط
أوعدك من النهرده همشي جنب الحيط
ولاعمري هعترض علي أي وضع وأثور
هبقي سافه قوي وتافه وماليش دور
ومش بعيد ساعتها ألاقيني بقيت واحد مشهور
أيوه عايش بس حاسس
إني فارقت الحياه
مابقتش شايف علي طول خايف
مش لاقي طوق نجاه
كترت مشاكلي وأتغير شكلي
والغدر ف كل مكان بلقاه
وإل فديتوا بعمري وشلتوا ف نني
أول واحد باعني وإتخلي عني
ساعات أنا بستغرب نفسي
إذاي قادر أتحمل كل داه
فاكر لما سابتني وضاع العمر إلفاضي
أنا الجاني وأنا المجني وأنا بردوا القاضي
بتفرج علي مسلسل عمري ف الماضي
وكتير جرحوني وأنا بقول عادي
ومهما كان حالي صابر وراضي
حقك عليا يادنيا
أسف قوي وغلطان
أنا إل فهمتك غلط
وأديني أهوه ندمان
كنت فاكر الطيبه والاءخلاق
دي أو حاجه ف الاءنسان
طلعت الناس شايفاني
تعليقات
إرسال تعليق