بنت البلد ( الصورة من أعمالى بالألوان المائيه ) بقلم الشاعر ⬅️محمد عنانی
بنت البلد ( الصورة من أعمالى بالألوان المائيه )
=========================
بنت البلد دى جادعه وأصيله
رغم أن هيه تبان قليلة الحيله
بميت راجل ودى فضيله
ولاهى عيبه ولا رزيله
وأما عن ملامحها
ولو إنت َ ماتعرفهاش
أوصافها ما تتخباش
لأول مره تلمحها
حتعرفها
دى أكتر حاجه تعملها
تحط الكحل ف عيونها
لا تعرف روج ولا غيره
جمالها طبيعى وبخيره
كمثل البدر لاح نوره
تراعى ربنا ف بيتها
وبرضه ف زوجها وعيالها
وبيتها هو راس مالها
ودى حقيقه بنعرفها
ومش محتاجه نشرحها
على غدر الزمن تصبر
وست عظيمه تتقدر
على غيرها ما تتكبر
ودايما ً ربها تُشكر
قصه كبيره وحكايه
أصولها الخير ودا كفايه
----------------------
تعليقات
إرسال تعليق