قصيدة
كلاكيت تاني مره
بقلم / أيمن البكري
كلاكيت تاني مره
علي ناس من جوه
مش ذي ماهي من بره
فيهم حاجه تحير
يتعاد المشهد بتتغير
من غير ما تقلب وتدور
شوف المشهد الاءول
عشقت ليه دور المسكين
بيتسنلك كتير سكاكين
محطوطه علي رقبتك
تايه ليه عقلك ومشغول فكرك
محدش ياإبني خلاص فاكرك
وبتفكر هتعمل إيه وهتروح فين
وهيساعدك مين
داه لو كان رذقك علي بشر
والله كانت الكلاب تأكلك
ومين قالك إنك عشان تكون طيب
تتنازل عن حقك
وتمشي جنب الحيط
وإن إنته كده ناصح وحويط
وهتفضل كده لحد إمته ولفين
يعدي بيك العمر
وإنته يدوب حسبتوا سنين
في المشهد التاني
هي ليه شايفاك أناني
مش حاسه ليه ب تعبك
وأد إيه ضحيت عشانها
مش شايفه غير نص منك
وبتحاسبك علي كل إل خانها
ولسه عندك أمل
ومستني الحلو منها
داه ياما ناس من بره تلمع
ولو شفناها من جوه
هنقول الله يعينها
في المشهد التالت
علي إل فيه الكبر فالت
قال يعني حلو متغندر
بيتعالي علي الخلق ويتكبر
مهما عمرك طال
مسيرك متبقاش موجود
ومهما نفسك عليت
بردوا هيأكلك دود
ياما كانوا كتير قابلك
دلوقتي راحوا فين
إوعي تغرك الدنيا
لا تخسر آخره ودين
المشهد الاءخير
علي بنت حلوه بصالي
شايف ف عنيها
أحلامي وعمري وأمالي
حب عمري وسهر اليالي
يتوه الوصف ف إحساسي
وأرجع كل الطريق ماشي
كانت حبي الاءول
ودلوقتي بتعدي سنه مبشفهاش
تعليقات
إرسال تعليق