يامصر عاشق انا ترابك
(مجموعه شعريه فى حب مصر)
(1)
أنا مصر
(عمار يا مصر عمار)
أنا مصر قبل الامصار انا مصر
مين قبلى فى الأقطار
ليا حدود متحدده بدقه معروفه
يابسه وصحارى وبحار
أنا نيلى شريان الحياه فى قلبى
بيجرى اطول الانهار
مشوار طويل بيقطعه من منبعه
لمصبه بعزم وباصرار
عدى عليا الزمن سنه ورا سنه
شامخه بواجه الاخطار
انا مصر مين قدي صابره وصامده
فيا الاعادى تحتار
وفى بطنى مقبره للغزاه يهود
هكسوس رومان وتتار
زالت دول وأنمحت وأنا مازالت
مهما الزمن مر ودار
أنا مصر مهد الحضارات والمعارف
وعلومى لها اسرار
ياما دقت على الراس طبول
وتاريخى يحكيه السمار
ليا ولاد سمر بيضحوا من أجلى
على مر الزمان احرار
لو قلت ياولادى يلبوا النداء لا يهابوا
موت ولا أخطار
مين اللى يقدر يقرب منى حدودى
حمم ولهيب ونار
أنا مصر المؤمنه من القدم عارفه
الحساب والجنه والنار
فجرالضمير عندى أبتدى متحضره
أنا الفنون والعمار
أنا اللى نطقت الحجر يحكى عن
عظمتى وأسالوا الاثار
لو يوم مرضت بكره هتعافى قولوا
عمار يا مصر عمار
ربى ذكرنى فى قران وفى التوراه
وتجلى على الجبار
وقال أدخلوها امنين مطمئنين وبلد
الصالحين و الابرار
أنا مصر لا بركع ولا بنحنى ولا يهزنى
محن ولا أخطار
(2)
أنا أبن مصر قدمها الكل يتاخر
من حقى بيها أتباهى و أتفاخر
لها تاريخ ومجد ومفاخر وماثر
لها هيبه وسطوه و تاريخ زاهر
حلوه ونديه وعفيه سحرها اثر
شمس وجو جميل ونيل ساحر
السر فى سحرها شعبها الصابر
دايما مبتسم وفى المحن صابر
الحمد طبعه والرضا ولربنا شاكر
وساعه النضال على الجهاد قادر
ولو تنادى ولدى يلبى الندا حاضر
يا موحده و قلبك بالإيمان عامر
دايما معاكى ربك على العدا ناصر
(3)
عاشق انا ترابك
يكفيني فخر وشرف يا مصر
انى منيكى
شربت من نيلك ومشيت في
حواريكي
مهما أغرب وأشرق مرجوعى
أكيد ليكى
مربوط يا مصر بيكى وشددنى
حكاويكى
يا مصر يا موحده من الازل
والرب هاديكي
أتجلى ربى علي أرضك مين
شرفه يدانيكى
باركوكى اهل بيت النبى
ساكنين ضواحيكى
عاشق أنا ترابك يا امى
بروحى افديكى
العمر كله ليكي لو كان ده
ياامى يرضيكى
بس اؤمرى ياحبيبه هأقول
حاضر والبيكي
أنا الجدع لأسمرانى اؤمرى
يا حبيبتى أفديكي
يا أصيله ومأصله يا صابره
يا كايده أعاديكى
(4)
قبل التاريخ مصر كانت
قبل التاريخ كنا وبعد التاريخ سدنا
زالت دول وشعوب لكن احنا ما زلنا
متحدده حدودنا على غيرنا ماجورنا
نقش الجدود عالحجر ماكان وماكنا
شاهد علينا التاريخ يشهد لنا بدورنا
مهد العلوم والفلك ف المبتدا علومنا
أحنا حددنا الشهور بالضبط وقومنا
واثارنا تتحدى الزمن تشهد بأمجادنا
فجر الضمير والقيم عشان كده سدنا
(5)
مصر المتحضره
انا مصر أمه متحضره لها
جذور ممتدة لآلاف السنين
طول عمرى أمة تعبد ربها
متدينه مؤمنه بيوم الدين
زارنى الانبياء والرسل وربنا
قال ادخلوها مصر امنين
ام المعارف والحضاره
والتاريخ و اهلى متحضرين
قبل التاريخ موجوده ولازلت
بفضل ناسى الطيبين
روحى بتسري فى دم
اولادى المخلصين المؤمنين
لو قلت يوم ياولادى يلبوا
النداء خير اجناد العالمين
رغم الشدايد والمحن
مؤمنين وصابرين متبسمين
اهلا وسهلا بالضيوف آمنين
من كل خوف مطمئنين
كل من زارنى و شرب من
نيلي لابد يعاوده الحنين
لو مريوم حد على ترابى
ااسره ويبقى من العاشقين
لكن اللى يطمع فى ترابى
اهلكه ويصير من الغابرين
(6)
تحيا مصر
مصر أكبر من انى ارد عنها
مصر درة بين جيرانها
مصر كانت ومهما كانت
هى مصر حافظة مكانها
يجرى مهما يكون ويجرى
لها شعب حافظ كيانها
لها جيش حارس شرفها
فى السلم والحرب صانها
مصرباقية رغم انف كل
حاقدالتاريخ يحكى عنها
هى ست كل عصر الحلوة
مصر هى نوراة زمانها
الشاعر/ عبد المنعم حمدي رضوان
(طعم تانى)
تعليقات
إرسال تعليق