دلوقتي بس
كلمات/ أيمن البكري
دلوقتي بس إفتكرنا ربنا
وبنطلب منه النجاه
دلوقتي بس عقولنا رجعتلنا
وعرفنا إن فيه إله
دلوقتي بس عرفنا
اد إيه تافه الحياه
ما بين مؤمن وبين كافر
وناس غرقانه ف بحر ذنوب
وناس مرتاحه علي الاءخر
وناس تعبانه بتعافر
وناس جايه دلوقتي تتوب
وناس مهما حصل عمرها ما بتتغير
وكأن مفيش جواهم أي قلوب
الدنيا لو كانت دايمه
كانت دامت لناس قابلكم
مسيرها ف يوم قيامه قايمه
هتصحي ضماير نايمه
الموت تملي حواليكم
ف كل ثانيه بيندهلكم
شوف أد إيه حاجه تافها
ولا بتتشاف
كشفتنا علي حقيقتنا
خليتنا نترعب ونخاف
خليتنا نعرف أد إيه
إحنا ضعاف
كتير قوي عشناها
علي الغش وعلي الماده
عشقنا الغدر والاءسفاف
لو كنا حسبناها مره واحده
هتبقي إيه نهايتها
بس إحنا شجعنا الكدب والاءستخفاف
دي دنيا مهما طالت فانيه
وعمرك فيها مكتوب
وعمروا ما هيزيد ثانيه
مابين الحظه والتانيه
بتتبدل قلوب وقلوب
دلوقتي بس إفتكرنا ربنا
وبنطلب منه النجاه
دلوقتي بس عقولنا رجعتلنا
وعرفنا إن فيه إله
دلوقتي بس عرفنا
تعليقات
إرسال تعليق