هى دى أخلاق ؟! بقلم الشاعر،، محمد عناني
هى دى أخلاق ؟!
========
فين الأخلاق ياناس قولوا
فى زمانا الأغبر دا بطوله
وبشكل صريح
أخدتها الريح
الإبن بشتم فى أبوه
أوأمه وأخته وأخوه
الأخ كمان ويا أخوه
علطول فى خناقه أيوه
والزوجه ياناس ويا حماتها
ماتقولش دى كانت ضُرِتها
صبحم أعداء
ودا أكبر داء
فين الأخلاق
هى دى أخلاق
دا شيطان ومسَلَط أعوانه
والإنس كمان من خِلانه
الجار بيضايق فى جيرانه
مع إن نبينا بمقداره
وصاه فى حديثه على جاره
ودا واحد بيعاكس جارته
علطول ويطًوِل فى رزالته
ماهو بُكرِه راح يِحصل لاخته
أو زوجته أو يمكن بنته
فين الأخلاق
هى دى أخلاق
بإدينا نِرجَع أخلاقنا
من دينا نعلم أولادنا
ونبينا هو دا قُدوِتنا
تبقى الأخلاق
بِصحيح أخلاق
========
تعليقات
إرسال تعليق