طلاق ثلاثه يا سياسه
ملعون ابوكى يا سياسه
يمين طلاق. بالتلاته
لا شفت فيها اخلاق و شرف
ولا قابلت نزاهه
دول ساسة باعوا شرفهم فى
أسواق النخاسه
احزاب اونطه ولا لها لازمه
للمنظره والوجاهه
كفاية غش الساسه دول كلهم
كادبين هجاصه
وعود فشنك اونطه وضحك
على دقون الغلابه
قالوا السياسه فنون الكياسه
لكن لقتها نجاسه
سنين حياتى قضتها واحنا
فى عنق الزجاجه
مشاكلنا واضحه وباينه وحلولها
غايه البساطه
بالعلم نتقدم وننهض مش
بالفهلوه والشطاره
وعلى الفساد لابد نقضي
يكفى الفساد بزياده
لكن النيه بس تصفي ويقفوا
فى صف الغلابه
الشاعر/ عبد المنعم حمدى رضوان
تعليقات
إرسال تعليق