ولدى الجدع
ارفع راسك و أصلب طولك
و دوس على الوجع
وكل ماتعثرت شد حيلك
وارجع ااقف بعد متقع
خليك جدع مهما الحمل
زاد عليك أو الهم اتسع
وواجه مخاطر الحياه
واصمد مهما الموج ارتفع
اشقى وكل لقمتك بعرق
جبينك عمر الكد موجع
اياك تمد ايديك مده الايد
ياولدى بتكسر الجدع
كل عيش وملح وبلاه
الحرام من كله عمره مشبع
وقولى يا حيلى من اعتمد
على نفسه علا وارتفع
اياك تسلم امرك لغيرك من
اتكل على غيره ذل وقع
خليك صبور واعرف أمتى
تتكلم وامتى تبقى مستمع
وابقى حويط واريب واعقلها
قبل متغلط أو تندفع
احفظ مقام الكبير و ابقى
متواضع الناس بك تنتفع
واوعى الغرور ما طار طيرا
وارتفع الا كما طار وقع
والكدب خيبه ايا كان السبب
قول الحقيقه او امتنع.
ابن الاصول الجدع رافع راسه
عمره منذل ولا ركع
ده الجدع المفتخر امال اقول
ازاى عليك انك جدع
تعليقات
إرسال تعليق