لخبطه حياه
بقلم/مني داوود
كلنا كبني ادمين معرضين لوجود مشاكل في حياتنا في اي علاقه بتربطنا باي حد في حياتنا اي كانت نوع العلاقه صداقه اخوه زماله عمل زواج اي علاقه فيها تداخل مع الاخرين بصوره اوباخري
واول مابتبدي تظهر مشكله مش بنكون عايزين حل علي اد ماعايزين حد يسمعنا
حد يكون بيحبنا يسمعنا يسمعنا وبس من غير اي مقاطعه ولا نقد ولا تنظير
من غير حتي ماينطق بكلمه كل اللي عايزينه مجرد انصات لينا وده بيكون كفايه اوي وده بيكون كفيل يدينا الاحتواء كفيل يدينا الامان
احيانا بنقول كلام بعد شويه نغيره ونقول عكسه مش معني كده اننا معندناش مبدا
بس احيانا بنتكلم بقلبنا واحيانا بنتكلم بعقلنا
وساعات بنتلغبط بين الاتنين
وساعات المجتمع بيضغطنا وساعات الزمن نفسه وساعات اللي حوالينا بيضغطونا ومش بيكونوا حاسين بينا ولا حتي عايزين يسمعونا
في حد نصيبه اب حنين وحد نصيبه زوج صالح وحد نصيبه ابن بار وحد نصيبه اخوات حنين وحد نصيبه صحبه صالحه
دور علي اللي شبهك اللي يسمعك اللي يقدرك
خبره الايام بتخلي رؤيتنا لنفس الحاجه تتغير فالناس ترفض تسمعنا بحجه ان في لخبطه في شكل من اشكال الكلام او المعامله وممكن كمان يتم الاتهام بالجنون لمجرد ان في لغبطه في مشاعرك ونسيوا انهم بني ادمين زيهم زيك وممكن يمروا بنفس حالتك
تعليقات
إرسال تعليق