دنيا فانيه
======
دنيا فانيه ومنتهيه
مش دايمه ليك ولا دايمه ليه
يِبقَى ليه بس الأسيه
وليه كمان كُتر العِنَاد
ليه ياناس الكُره زاد
الكل إيده ع الزِناد
قاعد ومستنى المعاد
يمكن ف يوم يقتل اخوه
أو حتى يتمناه يتوه
أو ع الأقل
يِمكن يِضل
عن الطريق
إن شالله حتى يموت غريق
طب ليه كدا
تِبقى النفوس بالشكل دا
أنا بس عاوز أفكرك
مش قصدى إنى أحيرك
إصحا وصحى كمان ضميرك
وخلى همك خِير لغِيرك
وافتكر يوم الحساب
أكيد حيجى وليك كتاب
فيه ثواب أو فيه عِفَاب
جنه دايمه أو عَذاب
===========
تعليقات
إرسال تعليق