الحلقه الاءخيره
كلمات/ أيمن البكري
ألف كلمة حب
كانت غش وكدب
سنين طويله بتخدعيني
وأنا علشانك بدوس علي الصعب
كنت فاكر لما هقع وأنكسر
هلاقيكي أول واحده
هتجري عليا وتسنديني
كنت فاكر إنك هتحافظي علي الوعد
ياما شلتك ف قلبي ونن عيني
وإنتي عارفه إن عمري
ما جيت ف يوم علي حد
عمري ما سبت دمعه
بسببي تبأت علي أي خد
برافو عليكي قدرتي تلعبي
دور البطوله ف المسرحيه
مثلتي دورك تمام
وعرفتي توقعي الضحيه
أنا إل كدبت نفسي
ف حاجات كتير شفتها بعنيا
بندم علي كل كلمه حلوه قولتهالك
كتير كنت بقولك وحشاني
كل قسوه وكل غلطه هردهالك
حقي هأخده وساعتها هتعرفي
مين إل ضحي ومين إل كان أناني
الحكايه لسه ما إنتهتشي
والتمثليه لسه فيها جزء تاني
وكتير أنا كنت خايف
غلطانه وأنا إل أسف
غرقان ف بحر كدبك
متلونه الشفايف
غلطان قلبي إل حبك
ضيعت العمر جنبك
بقيت بس معاكي
تايه ومش عارف
ولسه فيه ما بينا أيام وسنين طويله
وأوعدك لو إتقابلنا ف الدنيا الكبيره
هتلاقيني لسه فاكر وهأخد حقي لازم
وهجيب للظلم أخر
ونهايتك جايه جايه ف الحلقه الاءخيره
ماهي كانت تمثليه وكنت أنا الضحيه
أوعدك ف النهايه البطوله هتبقا ليا
تعليقات
إرسال تعليق