تمني كام
كلمات /أيمن البكري
لما بقينا بنتباع
وبقا في زمانا
تجار أعضاء ومتاع
وبنات بتبيع نفسها ل الاءستمتاع
دخلنا ف غيبوبه وإمتا نفوق
هي بقا فين الاءحلام
داه إحنا بقينا سلعه ف سوق
وكل واحد ليه تمن
وكل واحد فينا بيسأل
أنا تمني كام
صعبان عليا بنت الناس
لما راحوا أعز الناس
إتذلت ومدت إيدها
مالقتش حد يساعدها
بتدور علي لقمة عيش
مكان ماتروح مبتلاقيش
غير إل طمعان ف جسدها
لما قتلها جوعها وخوفها
إستسلمت لظروفها
بقت بتبيع نفسها
وإيه دلوقت إل يفيدها
صعبان عليا زينة الشباب
وقع ف إيدين الكلاب
إتلموا عليه وخطفوه
وبدم بارد دبحوه
سرقوا أعضاءه وسابوه
كان هو أمل إموا وأبوه
دول مش بشر دول ذئاب
وأدي إلي إنته حبيتها
بتستغل ضعفك قدامها
بتطلب منك المستحيل
وتقولك إن دي أحلامها
بتغلط فيك وبتهينك
ولو جيت تعاتبها
تبدل المعني في كلامها
وإنته شايل همها
وكل همك تكون راضيه
وهي بتحكم وتتحكم
وعملالك ولا القاضيه
في وقت الشده تلاقيك جنبها
ولما إنته تحتجلها
تقولك أسفه مش فاضيه
شوفوا دلوقت وصلنا لفين
بقينا أحد من السكاكين
ولو وقع ف إيدينا مسكين
بندوس عليه من غير منفكر
بكل شئ بقينا بنستهتر
حتي ب الشرف والدين
هي دي دنيا ولا دي غابه
بقينا ليه وحوش وديابه
دوسنا علي كل حاجه
كانت حلوه فينا
ونسينا إن إحنا بنئ أدمين
ما الحلال من الحرام مفروق
إختار إنته بقا ودوق
وشيل وزرك علي كتفك
ومتلومش غير نفسك
لما ربنا يحاسبك
وتعيش ما بين الناس مكروه
معاك كام هو داه تمنك
وهو داه قانون زمنك
بس مش عشان محتاج
تخون إل إئئتمنك
عيش وكمل علي أملك
وخليك فاكر
إنك مش هتاخد ف الاءخر
تعليقات
إرسال تعليق