يا حُزن لَملم حروفك
=============
يا حزن رُوح لَملم حروفك
لِيَاَ زمان عايش فى خوفك
لكن خلاص كرهت أشوفك
كرهت إسمك اوحتى طيفك
من كتر ألمك سنينى أتقل
مرارها زايد وكأنه حنضل
غرقت آمالى ف يأس أسهل
وغاب نهارى وليلى أطول
باقول كفايه وأتمنى ترحل
وإياك تجينى أو عنى تسأل
أتمنى تنسى كمان مكانى
إنسى إسمى ومعاه زمانى
رغم إنى لسه منك باعانى
وجراح فى قلبى معذبانى
لكن ياريت ما تعودش تانى
نفسى أشوف بعنيه فرحه
وأعيش معاها ولو للحظه
أوقاتى تحلا مش بس مُرَه
تِسعَد حياتى ولو فى مَرَه
===============
تعليقات
إرسال تعليق