الالم والمعاناه
كتبت ✍️مني داوود
كلنا عارفين ان الحياه مبنيه علي التضاد يعني الابيض والاسود النهار والليل ؛الموجب والسالب ،اللقا والوداع
ويمكن ده يكون سر الحياه سر التوازن الطبيعي للكون
احيانا تمر علينا لحظات سعاده ممكن بعد لحظه تمر علينا اتعس لحظه زي فقدان شخص سواء بالفراق او بالموت
فيصبح الالم جزء من حياتنا
فبدون وداع مفيش لقا وبدون مرض مفيش شفا
ومن غير ماندوق طعم الشقا والفشل ازاي نقدر نعرف طعم النجاح
لكن اكيد في فرق بين الالم والمعاناه
الالم هو الواقع نفسه اما
المعاناه هي التعاسه اللي بتاكلنا من جوه بتطحنا بتفرهدنا بتهزمنا لاننا ببساطه مش قادرين نتقبل الواقع
او الجزء الضلمه في حياتنا وبالتالي عدم تقبل الالم
لكننا لازم نفهم ان كل تجربه بنمر بيها اوفشل ربنا بيكون عنده حكمه كبيره اوي
لو خدنا مثال للمخاض والولاده هنلاقي ان بعد الالم سعاده وفرحه وان عشان نحصل علي السعاده بندفع تمنها الم ولو لبعض الوقت
هكذا الحال للخروج من اي مشكله
توجه الي الله ودايما نفكر نفسنا ان الالم مؤقت ولن يستمر
وان هذا الالم الذي يعتصرنا في باطنه رحمه من الله
التي نعلمها وان لانعلمها
صبرنا علي الاوقات الصعبه حتي تمر وتذكره انفسنا انها مؤقته مع سعينا الدائم للتغيير مؤمنين بحكمه الله في الليل والنهار والتخلي عن الالم ليحل محله الرضا وتقبل الاقدار
تعليقات
إرسال تعليق