مش عارف
كلمات/ أيمن البكري
كلمات/ أيمن البكري
وأرجع وألوم نفسي
وقلبي إل ديمن خايف
عشان كان أعمي
وما كنش شايف
إل بتخاف عليه
وإل بتحس بيه
وعليها أجمل شفايف
وأسألوا وأقلوا ياقلبي
مين إل ديمن معاك
ولما بتبعد عنها بتلاقيها جواك
جاوبني وقالي أنا مش عارف
مش عارف ياقلبي
إل ذرعت جواك الحنين
وكلمه واحده منها
بتهون شقا السنين
مصمم تبعد عنها
طب قولي لحد فين
مش عارف إيه ولا إيه ولا إيه
مش هي دي إل قالت
بحبوا وها أموت عليه
ولو العالم كلوا وقف قصادي
مش هكمل حياتي إلا بيه
ولو الدنيا كلها ضدده
أنا معاه ومش هكون إلا ليه
ف أول محنه تقابلنا
نتخلي عنها قولي ياقلبي ليه
مش هي دي إل رسمتلنا الطريق
وضحت علشانا بكل شئ
وكانت لينا ف وقت من الاءوقات
القشايه إل إتعلق بيها الغريق
فاكر لما كنت بضيع وبتقسم
وناس كتير بتضحك
علي وجعي وتبتسم
ولقيتها جايه وضحكه
علي وشها بتترسم
وبتقولي ولا يهمك أي حاجه
أنا معاك وإل راح هتعوضوا
إنساه خلاص ومتفكرش فيه
ها أقولك إيه يا قلبي تاني هقولك إيه
مش هي دي صاحبة أجمل عيون
إل كانت شايلاك بين الجفون
البنت الجدعه إل لا يمكن تخون
اذاي قدرت تتخلي عنها
وإذاي بسهوله كده عليك تهون
سألوها عنك هو إنتي بتعشقيه
كان ردها داه هو الحياه والدنيا دي
داه هو الهوا إل بتنفسوا وبعيش عليه
ها أقولك إيه ياقلبي تاني ها أقولك إيه
لسه بردوا مش عارفها
لسه مش قادر تشوفها
سبتها وهي ف أصعب ظروفها
وقلبها نار قايده فيه
ورده دبلانه ف شبابها
ف عز ألمها وعذابها
نسيت كل تعبها
وبتسأل عليك هو دلوقتي عامل إيه
تعليقات
إرسال تعليق