هيجى يوم وتنسونى
------------------
هيجى يوم وتنسونى
وينساكو الزمن بعدى
وفيكم اللى هيدعولى
وفيكو اللى يقول عدى
وافكركم
بلاش تذمونى فى داركم
ليبقى الدور فى قدركم
وتبقى القصة دوارة
من البيت للحارة
وتتفشى وتتمشا
من إدارة لإدارة
وتبقى سنة محبوبة
وناس تعملها سبوبة
ماينفع بعدها توبة
وعند الله اخاصمكم
غلطت يوم فى حقك
انا اسف ومن عندك
كرم وسماح
ومش مرتاح ؟؟
ابوس يدك
ولو حاسس بظلمك لى
متزعلش هتزعل ليه
انا مسامح وبوسة عليه
ولو تحكم اجى لحدك
معدش باقى فى الايام
مجال لكلام
تعاتبنى ولا اعاتبك
لكن الباقى لو فيه خصام
تسامحنى وانا اسامحك
هيجى يوم وتنسونى
وينساكو الزمن بعدى
وفيكم اللى هيدعولى
وفيكو اللى يقول عدى
تعليقات
إرسال تعليق