طريق الموت..... بقلم الشاعر ،🔹أشرفر فعت فؤاد⬅️
........طريق الموت.....
الحلـــــــــــقه الثانيه
وعدت سنين وكل يوم بتعلم حاجه
ماهو عندى معلم بالبيت وقعادى معاه كان بزياده
وفى اول يوم بمدرستى
كتبت اول حرف بكراستى
كنت عايز اتعلم مش حب فيه
كنت عايز اكتب كل اللى بيفوله ابويا
احسن يروح من ذاكرتى
كان كل يوم بعد ماانام
يفتح كراستى ويشوف خطى
لقانى كاتب أ..ب..ت..ث
بصلى حسيت بيه..رغم انى نايم متغطى
خاد الكراسه وطلع قلت هو زعل
طيب ازاى الصبح اروح مدرستى
الصبح لقيتها جنبى فتحتها..
لقيته كاتب كلام جواها جنب خطى
أ-- أنا من صنعك ياإلهى أحسن إلى خلقى
ب--باب المغفره مفتوح حتى لو
كثره المعاصى بس عالباب يا نفس دقى
ت--تعرف ياولدى كل يوم بدعيلك
تكون سندى وظهرى
ث--ثانى حلقه معايا وثانى درس
ممكن أسيبه لك من بعدى يابنى
وكلام كتير كاتبه..بس لازم أروح مدرستى
خفت اطلع كراستى لمدرستى
لما سألت عن واجبـــــــــى
خادت الكراسه منى بشده
وقالت انت عامل واجبك اهو
طيب ليه عليا بتخبى
وقرأت ما كتبه أبويا....وتعجبت
وخلصت الحصه دون ان تدرى
وقالت ياأشرف اخر اليوم هاجيبلك كراستك
قلت اوعى تروحى بيها وليا انا تنسى
كنت عايز اقرئها تانى
علشان افهمها رغم صغر سنى
ولقيت مدرستى كاتبه لابويا فى كراستى
............صاحب الوصايا العشر.........
يامن تجرد قلمك من الخوف على ولدك
تحمل عقله الصغير بوصايا
لا يقدر عليها رجلا فى مثل سنك
ده طفل صغير لا تشتته
ام إنك تريده مثلك
ولما روحت لأبويا لقيته مستنى
إديته كراستى وكنت خايف يضربنى
ضحك وقال قول لمدرستك
......وكتب.....
المدرسه لكم وانا ببيت إبنى
وما أزرعه سيحصده إبنى
ما أفعله لا يخصكم...ولكن ماتفعلونه يهمنى
حفاظا منى على مستقبل إبنى
.......وفجأه.......
سألنى صليت العصر قلت لاء
ماانا عليه مقدرشى ادارى وأخبى
قالى تعالى معايا
أنا مستنيك من بدرى
وروحنا المسجد وكان مليان
وشوفت بعنيا قدامى جثمان
قلت مين يابويا حد نعرفه
وأفتكرت مشوار زمان
وكنت ماشى فى الجنازه فى خشوع
ورجعت وأبويا قالى
مشوارنا الجاى ياولدى مافهوش رجوع
بس اوعى اشوفلك فى عنيك دموع
#يتبـــــــــــع#
بقلمــــــــــى
تعليقات
إرسال تعليق