بااحبك يابلدى بكل اللغات 🔹بقلم الشاعر 🔹محمد عنانی
بااحبك يابلدى بكل اللغات ( بقلمى والصورة من أعمالى )
===============================
بااحبك يابلدى بكل اللغات
بجد وحقيقه ومش أمنيات
حبك ف دمى أصله جينات
وعاشق ترابك لحد الممات
وشجرك ونيلك والأهرامات
ويعجز كلامى ف ذكر الصفات
مهما بتقسى بعض الساعات
والا بتصعب فيكى حاجات
أو مَرَه تُهنَا ف بحر السكات
أو يعلى بينا صوت الآهات
لو كنت عايش يا دوب ع الفتات
غرقان ف همى باصحا وابات
لكن فى حبك تلاقى حكايات
بطعم الشقا ودموع أمهات
نسجها الغلابه بفخر وثبات
لاجل ما تِعلا ليكى الرايات
وتبقى عزيزه ف كل الجهات
ماهو انتى حياتنا وكل اللى فات
معاكى بنغزل خيوط اللى آت
ونِفضَل نِحبك بكل اللغات
ونعشق حروفك بكل السِمات
ربك حَبَاكى عظيم الهِبَات
صاحبة حضارة وكمان معجزات
لأنبيا كانوا صحاب رسالات
تشهد باسمك كثير م الآيات
إلهى يصونك من العَثرَات
يِرفع بكرمه ليكى الهامات
وفَرحَه كبيره تِمحِى الآهات
ونِفضَل نِحبك بكل اللغات
==================
تعليقات
إرسال تعليق