( دنيا فيها الغني وفيها الفقير )
أول الكلام وآخر الكلام الحمدالله ع كل حال
منام مامنفيق منخجل نصحى الجيوب
فاضية والفقر هدنا منبئى ع فراشنا من
من خجلنا قدام عيالنا متل النعامة منغطي
راسنا مافي مونةبالبيت ولا شي لا سكر لا
سمنة ولا زيت كبرنا بالعمر ومافي مين
يشغلك حتى لو بلئمة أكلك المتقاعد
مابيكفيه الراتب أول الشهر منقضيها ع
الخبزة والشاي والزيتون وبنص الشهر
ع الخبز والشاع والكعكة ولنهاية الشهر
منحب النوم قهرنا الفقر بيقولوا الأنسان
ماقهروا غير الموت ليش نحن عايشين
ميتين بالحياة والبيوت اسرار هدتنا الهموم
فقر ومرض كشفية الطبيب صارت بالدولار
والدوا غالي والعيشة بالنار كلمين صاحب
محل من التجار صار يحاسبك ع الدولار
يرحم أيام زمان الراتب قليل والخير كتير
وماكان حدى ينام جوعان شبابيك وبواب
مسكرة والبيوت اسرار بيقولوا ساقية ماشية
ولانهر مقطوع الحمدالله ع كل حال الناس
هدها الفقر وهدتنا الحروب وحصارالظلام
طمع الغرب فينا نسرقت الثروات والخيرات
وهبت الأسعار ليش يا تجار البعض منهن
بيحاسبوك ع الدولار كتر خيرك ياحكومة
لو التعليم والمشافي والمراكز الصحية مو
بالمجاني شوكان بصير فيك يافقير أول
الكلام وآخر الكلام الحمدالله ع كل حال
عيشين بشقه وتعتير دنيا كبيرة وفيها
الغني وفيها الفقير
تعليقات
إرسال تعليق