طريق الموت...... الحلقه الثالثه(موت بلا وداع)🔹⬅️بقلم الشاعر 🔹آشرف رفعت فؤاد
.....طريق الموت......
الحلقه الثالثه(موت بلا وداع)
وتوالت السنين...واهو عمر وبيعدى
زى غيمه فى السما بتمر علينا وتعدى
واصبحت شاب متعلم معايا شهاده
وفى الدراسه الكل يشهد باخلاقى
ويقولو ابن مين ابوه عرف يكبر ويربى
خلصت المدرسه وكنت جنب ابويا قاعد
ننظر لاحوالنا وكنت بشوفها فى وش
كل واحد بيمر علينا ويعدى
قلت لابويا
يامن جريت عليك يوما كى تضمنى
اقف بين يديك الان كى تودعنى
كل يوم ورقه من الشجره بتقع
وقعادى جنبك زى الحريم امر يوجعنى
اؤمرنى بالرحيل ياابى واسافر
بس لى رجاء الا تودعنى
وسافرت الى العراق وانا الطفل المدلل
دون وداع ابى او حتى عليا يسلم
اول ماوصلت ...الحال مش هو
غريب وجيت ارضكم يارب هون وسلم
ومرت الايام وجات اول رساله
كنت خايف منها بس كنت عايز اعرف
ابويا عن ايه هايتكلم
لقيت كلام عادى بالسلامات والطيب
بس بين حروفها رساله بحبر سرى
مروى بدموع العين....لقيتنى
ببكى من غير ما ادرى
وكتبت الرد وقلت
لم اقوى على الوداع
ولم يكن بيدى
فانت لم تتركنى ابدا ياابى
وكيف وانت اعلم الناس بامرى
عدت سنه بمرها ومرها ومرها
ورجعت لبلدى وقبلت جبين ابى
فسارع بتقبيل يدى
وبعد يومين فاتحنى بالزواج
قلت لسه الموضوع بدرى
ولقيت امى فى نفس اليوم بتنادى
قلت امرك ياسبب هنايا وسعدى
قالت اسمع ياد انا وابوك عايزين نجوزك
وبدل جواز الصالونات قلى بقى عاللى هاتسعدك
عايزين نشوف ولادك حوالينا..نلعب معاهم
طيب ازاى والجيش ..قالت علشان كده عايزين نريحك
خدت ابويا وعلى بيت العروسه رايحين
وابوها قال مقدرشى ياحاج ارفض طلبك وارجعك
بس سيبنى يومين اشاور
وان شاء الله تسمع اللى يريحك
وقامت الافراح واتجوزت..ووصيت
زوجتى على ابويا وامى وقلت مش عايز تانى
فى الموضوع ده اكلمك
ودخلت الجيش والوالد صحته خلاص
وكل اجازه ابكى بدمع العين
واقوله قولى ياعمرى عاللى بيوجعك
انا خايف تعملها يابويا
وتمشى ف طريق الموت من غير مااودعك
وكانت اخر اجازه ماشى لوحدتى
ودمع عينى سيل بيواسينى ف سكتى
كنت خايف ابويا يروح وانا غايب
وكنت بطمن روحى واقول ان
هناك كتير من الحبايب سايب
ورحل ابويا عن عالمنا
وانطفى النور وملى السواد ايامنا
واتفتح طريق الموت فى حياتى
#يتبـــــــــــــع#
بقلمى
تعليقات
إرسال تعليق