حوار بيني وبين ابي رحمه الله بالعامية
///////////////////////////////////////////
غادة بدران/ سوريا
Gada
بابا السما الفيها عشت نجمه
بابا المسا فيه الرمش غافي
ع ايدك عشت عمري متل نسمة
وحضنك رغم برد الدهر ..دافي
ضوّيت لي الدرب مهما كان طويل
وماكان نورك عبر الزمن طافي…
………
the father
بنتي ياغرسة نور جوات عينيي
انت الفراشه وكل الحلا جناحكْ
رفي بعيوني دوم غلغلي فيي
تبدا حياتي من ندى صباحك
كنتِ الملاك وبسمتك تشفي العليل
وقلبي ريشة طير مرهون لرياحكْ
… ..
Gada
بابا السند يا تربة ورودي
ياما شربت من ميّة حنانك
انت الامان ومسيّج حدودي
بالحب ربّيتْ عا صورة زمانك
انت السبب للمربى الاصيل
ونفسي الفدا وبترخص عشانك
… .
the father
مهما دار هيدا العمر عندي
ومهما جار يابنتي زماني
ببقى احرسك قلبي الك جندي
وراسم سعادتك روضة اماني
عيشي الخير.. والله.. الدليل
وحدو الحافظك جوا كياني
… .
Gada
بابا الدوا انتا ياروح الروح
تعبت كتير تنعيش بكرامه
نحنا جسد وانت بهوانا روح
وانت الرجل ومعطّر شهامه
بحكي صفاتك وبرتّلا ترتيل
والعيشة بحر… يامَركَب سلامه
تعليقات
إرسال تعليق