اهداء الى
أمى الحبيبه
بقلم غاده عبد المنعم
أمى
أمى الحبيبه
أمى الحنونه
قلبها كبير
بتحب كل الناس
عايشه عشان
بس تضحى
عايشه بالأحساس
أمى
ضحكتها بتنور لى
ايامى
شايفها على طول
قدامى
صوتها وكلامها وحنانها
خلانى احب الدنيا
وبخاف من غيابها
عنى ثانيه
ده دعاها ليا
عندى بالدنيا
بحبك يا أمى
يا نبع الحنان
ده حبك يا أمى
فى الروح والوجدان
يا اللى شيلتى همى وانا
فى بطنك كمان
غذيتينى بدمك
وانا نقطه فى بطنك
لحد ما بقيت
انسان
بحبك يا أمى يا نبع الحنان
علمتينى اكتب
واعرف اقرأ كمان
علمتينى اصلى
واردد الاذان
سهرتى عشانى
ولما كنتى تنامى
كنتى بتشوفينى
يا أمى فى المنام
شاغله عقلك بيا
حتى فى الأحلام
دايما شايله همى
وبتدعى لى
مع كل اذان
بحبك يا أمى يا نبع الحنان
علمتينى احب بلدى
وادعيلها كمان
علمتينى احب رئيسنا
واضرب له تعظيم سلام
علمتينى احب الناس
ما انتى يا أمى
كلك دفا وحب واحساس
بحبك يا أمى يا نبع الحنان
تعليقات
إرسال تعليق