مريض نفسى
بقلم الشاعره غاده عبد المنعم شحاته
معلش انا اسف
معلش أعذرنى
انا تعبان
غصب عنى
مفهمتش حالتى
عايزك تقدرنى
المرض النفسى
جالى فجأه
ده فى لحظه ويوم
ده انا كنت سليم
ذايك بالظبط
وفى لحظه تعبت
أصبحت مريض
المرض النفسى
جالى غصب عنى
جالى من صدمه
ما قدرتش اتحملها
ولا حتى أواجهها
بقيت واحد تانى
تعبان بيعانى
من مرضه النفسى
لما لاقيت اسرتى
مش هاديه
مشاكل كتير
كل لحظه والتانيه
بين ماما وبابا
خناقات ومشاكل
واحنا الأبناء
بنعانى
لكن مش بأيدينا
مشاكلهم مفروضه
علينا
ما قدرتش اتحمل
خناقات ومشاكل
تعبت نفسيتي
وانا من الخوف
اللى جوايا
حاسس انه
حيقتلنى وكمان
بيعذبنى
معلش أعذرنى
انا مريض نفسى
عايزك تساعدنى
وما تسخرش
منى
وقدر حالتى
ومين يساعدنى
انا مش مجنون
جوايا هموم
وصدمات بالكوم
خلتنى حزين
وكمان مهموم
انا عقلى سليم
بس النفسيه تعبانه
ومحبطه شويه
عندى تشاؤم وتوتر عصبى
و انفصام وخوف مرضى
كله بيتعبنى
محتاج دكتور
علشان يعالجنى
مش اى طبيب
ينفع يعالجنى
انا عايز
طبيب نفسى
حتكلم معاه
وحيسمعنى
هموم جوايا
ومشاكل يامه
جوايا حاجات
حقولها له
وحبدأ معاه
من اول الطفوله
وحاحكي له
كمان وانا فى سنه اولى
هو حيسمعنى
وحيفهم حالتى
أرجوك ساعدنى
ده انا انسان
محتاج مساعده
محتاج حنان
ولا تسخر منى
ولا تجرحنى
عايزك تسامحنى
ان كنت ضايقتك
اصل انا تعبان
انا مريض نفسى
تعليقات
إرسال تعليق