تحيه لبلادى بقلم الشاعره غاده عبد المنعم شحاته
تحيه لبلادى
بقلم الشاعره غاده عبد المنعم شحاته
بحييك يا بلدى
يا بلد أبى وامى
يا بلد اجدادى وأولادى
عشت على أرضك
وشوفت فيك
حاجات تخلى
الكل يشهد لك
بأنك يامصر
بكل فخر تاريخ
كبير
وبيقول ان انت
بلد الكل طول عمره
بيطمع فيك
من كتر خيراتك
الله زادك واعطاك
وكتب عنك
فى القران
ايات بتأكد
كثره خيرك
وعظمه شعبك
ومين ينكر
جمال بلدك
وطيبه قلب شعبك
شعب جميل
شعب أصيل
ما هو شرب
من ميه النيل
الشعب المصرى
ابو دم خفيف
دايما بيضحك
ولو حتى حزين
ولو اى ازمه بيعديها
وبتتقلب لصالحه كمان
ده شعب حنين
و بيخاف على بلده
ومش ببساطه
كده حيضيع
بلده
دى هى امه ودمه
ده ما بيغلاش
عليه نفسه
وبيقدمها لمصر
هديه
انا واحد من شعبك
بنحييك بالنيابه
عن كل اللى عاش
فيك
يابلد الخير
يا بلد النور
يابلد الصلاه والقرآن
يا بلد المسيح والإنجيل
كل الديانات بتحترميها
وبنتعاون وبنحب
بعض كمان
ياما طمع فيك
أشكال والون
كانوا عايزين
يحتلوك من زمان
لكن يامصر ما قدروش
لكن لسه مصممين
و بيحاولوا
لكن شعبك واعى
وفاهم
شعبك شجاع
مش جبان
انت اغلى
عنده من اى حاجه
ومن اى انسان
كفايه يامصر
ان احنا عايشين
فى امان
حتى التعليم
اتطور
و الأهتمام بالصحه
والمرأه اتطور
وأصبح افضل
من زمان
حافضل أحييك
ما انت بلدى
وعلى راسى
اشيلك
وفى عيونى
احطك وأقفل
عليكى بجفونى
يا اللى عمرك
عليا يا مصر
ما هتهونى
ولا خرب فيك
ولا احرق اى
حاجه فيك
وازاى بس
حاخرب بلدى
ده اللى فيها
ده ليا وحاجتى
انا وولدى
انا عايش
بس عشان
أحميك
وبروحى وبنفسى
يا بلدى افديك
تحيه كبيره
من قلبى
يا مصر
طالعه لك
وأحسن تعظيم
سلام
تعليقات
إرسال تعليق