قصيدة أيوب بقلم الشاعر/ أيمن البكري
قصيدة أيوب
أيمن البكري
ف البدايه تحيا مصر
مهما كان ومهما كنت
ف أي وقت وأي عصر
لما تسمع إسمها
إضرب تعظيم سلام
وإقف إنتباه
مصر دي طول عمرها
مقبره للغزاه
خمسه وعشرين يناير كانت ثوره
أيوه ثوره مش مقاوله
ولا عقد بيع لدوله
ثورة يناير كارت
أحمر للنصابين والعتاوله
إوعي تسمع كلام إل بيقول عليها نكسه
وإننا بسببها عايشين ف كارثه
دم إل راحوا إوعي تنسي
الاءعلام كلوا تمام
مبيقولوش غير الحقيقه
مفيش كلام
لا فيهم حد بيتكبر
ولا حد بيستهبل
ولا حد بيطبل
ولا بيعاملوا كل واحد حسب حيازتوا
ولا بيقتلوا القتيل ويمشوا ف جنازتوا
ولا بياخدوا تعليمات
عشان يغطوا علي الفساد والحوادث والكوارس
وإل إتخطف وإل إختفي وإل مات
أنا المصري وداه أصلي
وكل جدودي إتولدوا علي نيلها
أنا العربي من سوريا
ولي حبيبه ف ليبيا
وما ذلت أسمع نبض انفاسي ف لبنان
وما ذلت مقسوما" ف السودان
فلسطيني لم يعد لي ف وطني مكان
وما ذال يراني الغرب
ب أني شيئا" ضعيفا" وجبان
إحنا عايزينك تكون أيوب ف صبروا
مهما حصلك تتحمل
تكون أعمي مبيشوفش
وأخرص عمروا ما إتكلمش
ولو فكرت تتألم نفسك ميطلعش
ومهما صرخت مين هيسمعك
جربت تقول للحجر إسمعني
أموت محروق أموت غرقان
أموت عشان لقمة عيش
أموت وأنا عسكري ف الجيش
أموت ف سجن محبوس
أموت ف معتقل ولا حد يشوف
أموت من الجوع
واعلام يغير الموضوع
وأموت قدام باب مستشفي
عشان إتقفل الباب ف وشي
وإتقالي الدخول ممنوع
أموت برصاصه ف الشارع
كانت قصداني قناصه
أنا الواد إل حلموا ضايع
أنا الطفل إل مبيكبرش
أنا الناس إل مبتتكبرش
عايشه وراضيه وشاربه مرها وغلبها
وصابره الصبر نفسوا بيستعجب علي صبرها
أنا الحلم إل متحققش
أنا الواد إل راح مرجعش
أنا إل مهما شاف
راضي ب المكتوب
أنا إل من ضلوا خاف
شيلوني حملي ذنوب
ولو وطني ف شوارع
وعشايا رغيف حاف
انت كده بتطبل صح
ردحذف