قصيدة عن الام ----- كتبت : نجلاء فتحي كلمات :هدي مرعي
أمي
-----
كتبت : نجلاء فتحي
كلمات :هدي مرعي
امبارح كانت معايا أمي
تحادي في و تلم همي
و لما أبكي
تشيلني من علي سريري
و لما اقع
تقوم تسمي
و لما أتعب
توقف طول الليل
و تخفف عني
و لما أكون فرحانة و مبسوطة
تفضل جنب مني
تغني
و لما حد يجرحني و يوجعني
تواسيني و تدلعني
و لما أحس إني كبيرة
و أتكلم كلام كبار
تبص علي بصة عزيزة
بتجلجلني
و راحت أمي و راح الحنان
و الدنيا ما بقاش فيها امان
و أهي أجيال بتسلم أجيال
و بكرا أما يكون معايا أولادي
هحادي فيهم و أدادي
و بدل ما كنت أنا بتشال
أنا اللي هاشيل أولادي
و تلف الأيام و تيجي تاني
بس مش زمن أمي
دا زماني
و اللي كان بيتعمل في
بقيت بعمله مع أولادي
بس يا تري هايعملوا في
اللي كنت بعمله مع أمي
والله حبها بيجري في دمي
أصل لما كانت تسمي
كنت أدعي
يارب خليلي أمي
و لما كنت اقسي شوية عليها
كنت عايزة أروح أبوس إيديها
بس كانت حاجة بتمنعني
يمكن مكسوفة
أو مش عارفة أدللها
زي ما بتدللني
بس ربنا عارف اللي كان جوايا
حتي و أنا نايمة
كانت معايا
عشان أمي كانت نفسي
و في حد ينسي نفسه!!
و لا يعيش من غير نفسه!!
بس عيشت بلا نفس
و نفسي مش لاقياها
حد يا ناس شافني
من بعد أمي نسيت نفسي
تعليقات
إرسال تعليق