بنت الريف.... بقلم الشاعره غاده عبد المنعم شحاته
بنت الريف
بقلم الشاعره غاده عبد المنعم شحاته
بنت الريف
ام دم خفيف
أصيله ومتربيه
على حب بلدها
متوصيه
بسيطه وراضيه
بالمقسوم
وبتدعى يارب
النعمه ما تزول
شغاله وشاطره
متحمله وصابره
خجوله ومتربيه
وقلبها كله حنيه
تشوفها تعرفها
من ملامحها ولبسها
دايما مشرفه أهلها
من صغرها حملوها المسؤوليه
وكانت قدها واكتر شويه
بقيت أهم حاجه تهمها تعليمها
ولا حاجه تانيه تشغلها
فى البيت بتساعد امها
وفى الغيط أبوها بيحتاجلها
وفى المدرسه شاطره
ومزاكره وفاهمه
ومن صغرها عايزه تتعلم
ومصممه انها تكمل
ومن هى فى سنه أولى
بتطلع الأولى
راضيه بعيشتها وبيبيتها
وفى التعليم مبقتش
زاى زمان ترضى بالأبتدائيه
لا دلوقتى بتصمم تدخل الكليه
زمان كانوا بيجوزو ها صغيره
ولا كان لها رأى ولا مشوره
دلوقتى بتطلع دكتوره
جوازها بيبقى برأيها
خلاص دى حاجه تخصها
تعليقات
إرسال تعليق