ودعتك ⭐ بقلم ⭐ غاده عبد المنعم شحاته
ودعتك
بقلم غاده عبد المنعم شحاته
ودعتك
ودعتك حبيبى
يا نارى ولهيبى
عاتبتك كتير
وكان غدرك كتير
حبيتك وعشقتك
وكوتنى نار غدرك
غدرت بيا
جرحت فيا
أاه من القسيه
بكت عنيا
خلاص فاض بيا
خيانتك كانت أهانه ليا
جرحت فيا
قسيت عليا
أعملك ايه
انت اللى خونت
انا حبيتك انا عشقتك
وانت فى قلبى جرحت
خلاص انا تعبت
بصراحه انا اتهنت
هونت عليك
وعمرك ما ندمت
عملت فيك ايه
غير انى حبيتك
وفى عينى حطيتك
غدر ومرار انا عايشه فى نار
كده حرام كده حرام
سنين طويله عارفه بخيانتك
واكدب على نفسى واقول سمحتك
عشان بحبك صابره وساكته
عارفه اكيد فيه فرقه
مهى الخيانه أاخرها فرقه
وايه اكتر من الخيانه حيجرى
كنت بقول فى يوم حيرجع
كنت بقول فيه يوم حيندم
وانا خلاص مش قادره اسامحك
انا فهمتك
خاين ملوش امان
داه اللى خان
وداه اللى هان
خلاص فاض بيا
خيانتك كانت أهانه ليا
بصراحه قلبى صعبان عليا
جرحت فيا
قسيت عليا
اعملك ايه
انت اللى خونت
انا حبيتك انا عشقتك
وانت فى قلبى جرحت
خلاص انا تعبت
بصراحه انا اتهنت
عشان لاقتنى بسامحك كتير
تغدر وتجرح وتخون كمان
فين الأمان معاك داه كان زمان
كفايه كده حبك
مبقاش له فى قلبى مكان
حتى صورتك قطعتها
مسحت اسمك
وعرفت حقيقتك
وسميتك خاين غدار
فتحت لك الف باب
زمان قفلته
جاى دلوقتى تدور على
اللى كان زمان حبيبك
أاسفه خلاص ما عدش ينفع
كتر الخيانه بتجرح وتقتل
جاى دلوقتى بتبكى وتشكى
مانا ياما اترجيتك عشان بحبك
خونت وغدرت وجرحت
ولا حاجه
كانت معاك بتقدر تغيرك
انا دلوقتى بس بودعك
لأن حبك فى قلبى
خلاص مات
تعليقات
إرسال تعليق