لبنات ------------------------------ بقلم الاستاذه: أماني فتحي شوقي --------------------------------------

وصايا للبنات

----------------------------------------------

بقلم الاستاذه: أماني فتحي شوقي

---------------------------------------------------

موضوع مهم جدآ جدآ كلنا نعلم ما وصلت له بناتنا والانحلال الذي بنشاهده في الشوارع حقيقي عندما تنزل الشوارع المصريه تحس انه البيوت مبقاش فيها راعي مبقاش فيها رب اسره حازم بجد في تعليماته وقرارته مع اولاده انا بشوف حجات بستغرب وبحزن من جوايا علي اللي بشاهده من ملابس الفتايات ومن اسلوبهم وتصرفاتهم وخطواتهم وبشوف الكثير إلا من رحم ربي طبعآ دا بقي غير اللي بنشاهدة علي مواقع التواصل الاجتماعي كل دا يجعلني اتساءل اين دور الاسره فين الاب فين الام فين الاخ او الاخت 

لو هنتكلم في مثل هذه الموضوعات هيطول الحديث لم هيكفيني موضوع واحد فقد‘....

ولكني هكتفي فقد بإعطاء بعض النصائح ربما اكون سبب في تغير بعض التصرفات الخاطئه التي يفعلها الفتايات....... 

اول حاجه هبدء بيها الموضوع

- مترديش علي اي حد يعاكسك ولا تعبريه .. هيحترمك وهيقل ف نظر روحه  .  

مينفعش يا حبيبتي انك تقفي لشاب في وسط الشارع وتردي عليه كلمه قصاد كلمه دي متبقاش اخلاق بنت ناس محترمين كملي طريقك عادي ولا اكنك سمعتي حاجه عمره مهيوصلك لانه هيتكسف من نفسه .....

-  ( هتلاقي ناس حوليكي  فيهم الاعلي منك وفيهم الاقل منك في المستوي الاجتماعيه او في الشكل العام او في اي شيئ‘... فامتقرنيش نفسك بأي حد كل واحد وليه ميزه بتميزه عن غيره ....

اوعي تحسسي حد انه احسن منك ‘ حسسيه انك قنوعه ونفسك عزيزه ‘عارفه سعتها هو هيتمني انه بس يعرفك .....

- اي راجل في الدنيا  بيحترم بس البنت  اللي تمشي رافعه راسها ومتبصش علي اي واحد وهي ماشيه عارفه هيقول عنك البنت دي محترمه ‘ مينفعش تمشي في الشارع وطول منتي ماشيه عماله تبصي علي دا وعلي دي وتترقبي بعنيكي خطوات الناس مينفعش نهائي......... 

- متصاحبيش اي شاب مهما كان دا حتي ربنا ((بيقول في القرآن ولا متخذات اخدان)) ..

 مينفعش البنت تصاحب شاب .. دا حفاظًا علي قلبك ومشاعرك لان المشاعر عامله زي البلايتشو ممكن تتقلب في لحظه ‘ والاهم انك تحافظي علي نفسك وحافظا علي سمعة الاب الاب اللي شقي وتعب واتحمل كتير علشانك وعمل كتير علشان يأمنلك حياه كريمه ‘ فمتستكتريش عليه انه يعيش حياته وراسه مرفوعه ‘ وحافظآ علي قلب الام ومشاعرها الام اللي تعبت وسهرت وربت ونفسها تشوفك احسن واحده في  الدنيا وعايشه علشانك ومستنيه بس انها تفرح بيكي وتوصلك لبر الامان ‘ متستكتريش عليها الفرحه اوعي تكسري فرحتها بيكي ......ولو هتكلم في الموضوع دا هيطول الكلام 

- متحطيش مكياج  وانتي وخارجه انتي حلوه بروحك حلوه بطبيعتك حلوه بأسلوبك حلوه بتعاملك.. خلي الناس تحبك علي طبيعتك .وتشوف جمالك الحقيقي جمالك اللي جواكي ‘ مش تطلعي من بيتك وراسمه وشك ب 100 لون بلاش تلفتي انظار الناس ليكي وهي دي بتكون بدية الغلط ...

- اي بنت لو عرفت شاب وسمحت لنفسها وادت لنفسها الحق تعمل معاه اللي عايذه وادت لنفسها حق تعمل ما لا يرضي الله ‘ صدقيني يا حبيبتي مش هيقبل يتجوزها لأنها هتكون رخيصه في نظره لأن بنت الناس المحترمه واللي طالعه بجد من بيت محترم مش هتقبل علي نفسها انها تعرف شاب وتسمح بس انه يلمس ايديها ‘ 

اوعي تحطي ثقتك في اي واحد عايذ يجرك الي اي شيئ غير مسموح به لو طلب منك حاجه لا يصح انه يفكر بس فيها اوعي اوعي تصدقيه ولا تثقي فيه لأنه اي راجل محترم وابن حلال بجد هيخاف علي بنات الناس وعمره ماهيقبل علي نفسه يعمل اي حاجه غلط مع واحده هو عايذها زوجه ليه ....

- هتقابلي كتير في حياتك وهتعرفي كتير ناس كريمه وناس ندله وناس بتاعت مصلحتها واللي ‘ واللي ‘ واللي‘... الدنيا ملينه ناس اشكال والالوان مليانه من كل صنف ولون ‘ متعمليش حد بصفاته وبمعاملته اتعاملي بس بلي ربوكي عليه اهلك واللي طلعتي شوفتيه في بيتك‘....اعزري اللي قدامك مره.‘ اتنين .‘ لكن التالته اتجنبيه خالص 

وعيزاكي بقي تخلي ديمًا ليكي راي ومتمشيش ورا كلام  حد والسلام .. سواء في خروجه او لبس هتلبسيه او او او الخ .خلي ليكي رأي لوحدك كده اعملي لنفسك شخصيه مستقله ‘...

- اتقي ربنا علي قد متقدري علشان يكرمك وتشوفي خير كتير في حياتك ‘ ياستي لو مكنش علشان خاطر نفسك فعلشان خاطر اهلك ‘.صدقيني محدش واخد منها حاجه يا حبيبتي ‘....

وياريت بقي بلاش وانتي وماشيه في الشارع الكان والبيبسي والكولا والشيبسي وكل دا مش هتموتي يعني لو استنيتي لغايه متوصلي البيت ‘وبلاش وانتي وماشيه مع اصحابك بلاش الكلام والنقاش والضحك والهزار وما شابه ذالك استني اما توصلوا البيت اعملوا اللي انتو عيزينه  ..بنشوف بلاوي والله 

- مبقولكيش تخاصمي الرجاله انا خالص علي فكره . لأنك اكيد هتتحطي في موقف تعامل بس لما تتحطي فيه خليكي حدوديه .. تبقي راجل مع اي شاب وبنت وبس مع صحباتك . 

متخفيش مش هيقول عليكي نكديه ودكر والكلام دا وبلاش تنعمي في صوتك والحجات اللي بنشوفها دي بكررهالك اتقي الله ‘...ومتنسيش انه كل دا نهانا عنه رسولنا الكريم 

وياريت تلبسي الطقم اللي تحبيه مش اللي الناس تحبه .. لما تحبي لبسك هيكون شيك قوي عليكي .. مهما كان شكله ايه ( المهم يرضي ربنا )  .

- متحمليش نفسك فوق طاقتها .اكيد هتوصلي لحلمك وهتوصللي للأنتي عيذاه بس لو  عملتي اللي عليكي‘..اكيد ربنا هيوفقك 

وانتي في المواصلات متقعديش ع الكرسي القلاب ولا تلمي الاجره وتفضلي تطلعي وتنزلي علي الكرسي لاحظي انه في ناس واراكي المنظر نفسه بيخنقني لما اشوف واحده طالعه نازله تلم وتدي لسوق وترجع تقعد تاني وزي كده بقي ‘..... 

اوعي  تبصي لحياة الناس متحسديش حد علي نعمه عنده لانك متعرفيش هو خسر ايه في حياته .....

- مش كل بنت جميله بتبقي محترمه ! بس كل بنت محترمه بتبقي جميله . 

- ياما منتقبات وملتحين ومن اهل النار وياما من غير حجاب وحالقين دقنهم ومن اهل الجنه .. فمتاخديش بالمظاهر ....

- اعملي اللي عليكي وزي ما تيجي تيجي .. المحاوله ممكن توصل للفشل بس عمرها ما توصل للندم . !

الست نص المجتمع .. وبتخلف النص التاني ..حقيقي والله فخليكي عارفه قيمة نفسك كويس جدا ‘..

 مبقولكيش تبعدي عن الدنيا ومتشاركيش ومتشتغليش ! لأن التدين اننا نبعد عن الحرام مش نبعد عن الدنيا والحياه. عيشي حياتك حبيبتي بس بما يرضي الله وبما يناسب اخلاق بنت ناس محترمين ‘... 

حبي نفسك وحبي الحياه واعملي في حياتك كأن بكره نهاية الحياه ‘...

 والاهم من دا كله متركزيش اوووي في موضوع الجواز ولسه العريس مجاش وتتعبي في نفسك وتحاولي انك تفعلي افعال ربما تسيئ ليكي وممكن تسببلك في مشاكل في حياتك انتي بلا غني عنها حافظي علي نفسك واحفظي كرامتك ودائمآ كوني كبيره في نظر نفسك قبل ميكون في نظر الناس خلي راسك مرفوعه متسمحيش لأي حد يكسرك‘ وصدقيني يا أختي  العريس  هيجي هيجي مهما تعملي مش هتاخدي غير اللي مكتوبلك  والله نصيبك  جاي بس انتي بقي اعملي اللي عليكي والتزمي بالعبادات والدعوات‘

 وحافظي علي نفسك وربنا اكيد هيكرمك وهيحققلك اللي انتي بتسعي اليه........ 

  واللي امها عايشه يا بختك عندك كنز اهو استغليه روحيلها واطلبي منها تدعيلك صدقيني ربنا هيستجيب ‘ولو فرحتيها في يوم كده وقمتي بواجبات البيت من نفسك من غير ما تطلب منك اكيد هتدعيلك من نفسها مش تفضلي نايمه لأذان العصر وهي ياعيني تقوم من الفجر تخلص في شغل البيت وتقوم بكل طلباتكم لوحدها وبعد كده تتعشمي انها اول متصحي تدعيلك خليها تقوم من النوم تلقيكي انتي مخلصه كل حاجه سعتها بس اول متشوف كده هتدعيلك وهتشوفي خير كتير اووووي في حياتك اكسبي رضاها دي الجنه تحت اقدام الامهات ......

 وبردوه لو عملتي كده بعد متقري الكلام دا هينولني انا دعوه حلوه من الدعوات دي 

بعتزر منكم علي الإطاله 

تحياتي لكم جميعا