السعاده اختيار
بقلم دكتوره جيهان محمود
كل واحد فينا ليه حق انه يبقى مبسوط وسعيد في حياته، أنه يعيشها زي ماهو عاوز يعيشها .
أنه يختار انه يبقي سعيد
أو انه يختار أنه يسيب نفسه لزحمة الحياة تاخده وتوديه،
الحياة مليانه بالأختيارات
ساعات كتير بنختار حاجات بتكون غلط بنندم عليها ولكن الغلط في حد ذاته مش غلط طالما بنتعلم منه ايه هو الصح، طالما بيصلح لنا سلوكنا ويخلينا مانكررش نغلط نفس الغلطه تاني
هو بيبقى غلط فعلاً لما نعيده، فا مش معنى اننا اختارنا مرة غلط اننا نقول خلاص بقى مافيش فايدة، لأ
لان احنا عندنا بدايل كتير في حياتنا نقدر من خلالها اننا نبقي سعداء
او اننا نستسلم لليأس يموتنا من غير مانحس، بدل ما نفكر في اللي راح لازم نفكر في اللي جاي لازم نفكر ايه اللي هيخلينا مبسوطين
من وجهة نظري ان النجاح في الحياة مش انك تكون حاجه كبيرة في المجتمع او انك تخترع حاجه مش موجوده ماحدش يفهم منها حاجه، النجاح في الحياة هو انك تعيشها زي ماهي بحلوها ومرها بتجاربها اللي بتأثر فيك او بنجاحك اللي بيأثر في الناس، بخبراتك اللي اتعلمتها، بأبتسامه تملى وشك على طول ولما يشوفها غيرك تتنقله حتى لو كان هو مكشر فجأة هتلاقيه بيبتسم
علماء النفس بيقولوا ان السعادة في القناعة والرضا
وانا بقول ان الرضا بقضاء الله هي قمة السعاده وكمان حاجه ان السعاده اختيار ، احنا بس اللي بناخده اختياراً ماحدش بيختار لك او يجبرك عليه، اختيارك بيملاكك ويعيش فيك، والسعادة موجودة في ابسط الاشياء في حياتنا، موجوده في رضا ربنا علينا لما تكون في مشكله وتقول انها مالهش حل وفجاه تلقي ربنا حلها من عنه وساعته بتعرف انك عايش في معيت الله موجوه في ابتسامة طفل بيبتسم في وشك بدون سبب موجوده في نزولك ساعة العصري وانت بتتمشي علي الكورنيش موجوده في فاتحة مصحف وذكر الله ولا ركتيين قيام الليل وموجوده في اغنيه بتحبها موجودة في دعوة ام لابنها وبنتها وهو نازل الأمتحان الصبح .
موجودة في حضن حد قريب مننا بنرمي نفسنا فيه فننسي كل مشاكلنا
موجودة في لما واحد بيشتغل بجد وبيتعب و بينمش الليل ويلاقى بعد كده نتيجة تعبه .
موجودة لما بابا يدخل علينا ونشوفه بعد يوم طول
موجوده في الحب، موجودة في العطاء.
موجودة في حبك لنفسك وحبك للي حواليك .
موجودة حتى في الأزمات بس احنا اللي مابنخدش بالنا
موجوده في حاجات كتر بس احنا دايما مابنشوف اللي نصف الكوبايه الفاضي ياريت كل واحد يعرفه ان السعاده مش محتاجه امكانيات بل محتاجه قناعه ورضا واختيار انك تكون سعيد مهما كانت الظروف
تعليقات
إرسال تعليق