قصيدة
كورونا
أيمن البكري
كلام كتير بتقولوه
ومن غير مانشوف
أي حاجه خوفتونا
إشاعات وحكايات
وإل إتصاب وإل مات
وقررات وتحذيرات ف كل بلد
من النظام ومن الحكومه
شئ مرعب إسموا فيروس كورونا
والمصريين ذي عادتهم
بيضحكوا علي أي حاجه
وبيسخروا من أي وضع
حتي لو هيدمر حياتهم
متعودين علي الهم
وعلي الحمول التقيله
وتلاقي فيهم حاجه غريبه
خفة الدم والضحكه الكبيره
مهما كان حجم المصيبه
الكل مرعوب وخايف
وكلوا قفل الحدود
وقفلوا المسارح والمطاعم
والمدارس والكنائس
ويمكن كمان حتي المساجد
والعلم عاجز ولا حد شايف
وبعد شويه ذي ماجاه يروح ولا حد عارف
ويحتار العلماء إيه إل وداه وإيه إل جابوا
ربنا ديمن بيلبي ولا فيه حد ناداه وسابوا
كورونا مش أول وباء
كان قبل منوا الكوليرا والطاعون
يمكن يكون عقاب أو إبتلاء
كل شئ عند ربك دواه
مهما إن يكون
ولكل أجل كتاب ودور
ياما دقت علي الرأس طبول
إرفعوا إيديكم ب الدعاء
تعليقات
إرسال تعليق