انت فاكر )الشاعر الغنائي /جمال عزالرجال
( انت فاكر )
***************
انت فاكر لما كنا ،،،،،،،،،،صغيرين
كنا نرسم ع الرمال ،،،،،،قلب وحنين
كنا نلعب ،،كنا نضحك،،عمرتاني
ومش فاهمين
كنا نلعب الحجلة ،،وانت تكبرني بسنين
رافعة رجلي بلعبة هبلة
تبص لي ،،،وكلك حنين
ماكنتش فاهمة نظرة عينيك
طفلة بتفرح بأى حاجة وكنا فرحانين
كبرنا
كبرت معانا أحلام كتيرة
وفهمت نظرة عيون العاشقين
لعبنا تاني ،،،لعبة حلوة
وانت واخدني بين دراعك
حس تاني كله أماني
بس تعرف حس الطفولة احسن
كانت بريئة
والحنين يختلف عن الحنين
تعليقات
إرسال تعليق