حبيبى ما بيسألش بقلم غاده عبد المنعم
حبيبى ما بيسألش
بقلم غاده عبد المنعم
حبيبى ما بيسألش
سافر وغاب
وغيابه طول
عليا
وما بيسألش
وقلبى خايف
عليه
بتمنى اشوفه
واسمع كلامه
واشوف نظره
عينيه
يا حمام يا مسافر
بلغ حبيبى سلامى
واحكى له
عن اخبارى
وابعت له رساله
منى
وقوله معلش
كان غصب عنى
ما قصدتش ازعله
او حتى اجرحه
ده انا بس
كنت بحبه
وما كنتش عايزه
اخسره
وما كنتش عايزه
حاجه تفرقنا
او تبعدنا
لا الزمان ولا المكان
حبيتهم يفرقونا
عن بعضنا
يلا يا حمام
طير بسرعه
فوق فى السما
وسلم لنا على
أغلى الحبايب
وعرفهم ان قلبنا
من غيابهم دايب
يا حمام يا مسافر
يلا قوام
طير بسرعه
ده انا من غير
حبيبى
بموت
دى حاجه
مش عايزه كلام
كل يوم بيعدى
وبيفوت
صدقنى فى بعده
بموت
يا حمام يا مسافر
قرب البعيد
وقوله ليه اتأخر
وليه زاد البعاد
والله حرام
يا حمام يا مسافر
طير وهاته
على جناحك
وعشان خاطرى
خلى بالك منه
ده انا قلبى به
مشغول
وعينى مجافيها
النوم
يا حمام يا مسافر
يلا طير بسرعه
وبلغ حبيبى سلامى
وقوله ليه أتأخر
ليه ما بيسألش
عليا
مع انه قلبى
ونور عينيا
تعليقات
إرسال تعليق