اللغز الكبير
من كلمات مجدى الطيبي 💖 💖
أنت بقيت بالنسبه لي لغز كبير
وكلك على بعض محتاج تفسير
بأسمع منك حكم ومواعظ ومثل عليا
واشوف أفعالك ألقيها حاجة تانيه
وطبعك ساء وبقى حاد
وكل يوم تزيد فى العناد
أستاذ فى العكننة والإنتقاد
فيها ايه لو تبقى فى حالك أو حتى عالحياد
فى هدوءك دايما سارح
وفى غضبك بتكون جارح
بتحب الفرفشه واللعب
وف ثانيه تقلب بحاله صعب
وتبقى شكلك كدا جنان
وكمان سليط اللسان
وف كل حاجة بقولها دايما شاكك
وعشان فهمك وبحبك بعمل سارح وأفضل ساكت
وهجرتنى وانت المتعصب كمان
دنا كنت لك عذوة وسند وأمان
وتحملتك عشان زيى طيب
وغلبان
حبك في قلبي ما يقدر ينزعه منى انسان
وأهون عليك تخاصمنى من إمبارح
من وقتها وأنا مخنوق وفيك سارح
ولعت الدنيا ومشيت كمان يا فالح
تعليقات
إرسال تعليق