أبى ❤ بقلم الشاعره غاده عبد المنعم
أبي
بقلم الشاعره غاده عبد المنعم
يا ضيف كنت
ع الدنيا خفيف
ليه مشيت
ليه مستعجل
ده احنا
كان لسه بينا
كلام كتير
لسه حتى
مشبعتش منك
لسه محتاجاك
لسه محتاجه تخدنى
فى حضنك
طب مين
دلوقتى يا حبيبي
هاشكى له
همى
ومين اللى
كان لفرحتى
مستنى
مشيت وسبتنى
ولهموم الدنيا
تركتنى
ده انت كنت
أغلى حبيب وصديق
ده انا حتى
لسه كنت قاعده
بحكى معاك
عن شكوى جوايا
وحزن عاش
معايا سنين
لسه حتى ملحقتش
أاخد رأيك
يااللى كنت ليا
نور عينيا
وكنت خير صديق
يا اللى من خيرك
عشنا
وفى بيتك
يا ما لعبنا
وياما فرحنا
يا بابا
يا أغلى كلمه
كنت بقولها
ومين بعدك
تانى حيسمعها
كنت نعمه الأب
يااللى ربتنى
على الصلاه والقرآن
لسه فاكره انا
ايام زمان
كنت بتقول لى
صلى وصومى واسجدى
للرحمن
ده انت سبب
هدايتى
وحبى القرآن
ده انت كنت
جبل
ياما اتحمل
الألم
ياما اتحمل
وصبر
عشان عياله
يبقوا فى احسن
حال
وفجأه وبدون
سبب
مرض الأب
ومات
خلاص عمره
انتهى
خلاص مات
السند
وحسينا بطعم
الألم
خلاص
ضاع الأمان
اللى عشناه
معاه زمان
يا اب طيب
يا هديه
من الرحمن
ده انت كنت
أطيب انسان
وما حدش هياخد
مكانك فى قلبى
خلاص الفرح
من بعدك
كرهت كل شئ
بعدك
ويفضل لي صوتك
وصورتك
بصبر بيهم نفسى
وبدعى ليك
ربنا يرحمك ويغفر لك
تعليقات
إرسال تعليق