من غير معاد بقلم الكاتبة،، غاده عبد المنعم
من غير معاد
بقلم غاده عبد المنعم
من غير معاد
اتقابلنا
ورجعت تانى
ذكرياتنا
بألامها وبمتاعبها
ده احنا ودعنا
بعض زمان
ليه فى نفس
المكان
اللى اتفقنا فيه
عل البعاد
نقابل بعض
تانى
ومن غير معاد
جرحتنا السنين
وتعبتنا الأحزان
ليه من غير
معاد نتقابل
اول ما شوفنا
بعض
خدنا الحنين
وبكيت عينينا
وبكينا على مرور
السنين
من سنين
ما شوفناش بعض
بس عمرنا
ما نسينا بعض
كان جوانا
حب وشوق
كان جوانا
امل موجود
اننا فى يوم
هنعود ونقابل
بعض
و اتقابلنا
وكان مقدر ومكتوب
خدنى فى حضنه
لما قابلنى
ومسح دموع
سنين فى عينيا
واترجانى انى
اسامحه
وان غيابه
كان بأيديا
لما طلبت
يبعد عنى
ايوه طلبت
نبعد شويه
لكن زودها
وغاب على طول
من غير ما
يقول
سنين بستنى
يرجع تانى
وأاخدوه فى حضنى
لكن زودها وأتأخر
علي
و بالصدفه نقابل
بعض تانى
من غير معاد
ولا كان فى بالى
أشوفه تانى
تعليقات
إرسال تعليق