كلام غريب
أيمن البكري
بتحبيه
ولا إنتي بتحاولي تنسيني بيه
ولا نستيني وقلبك حن ليه
ردي عليا فهميني الحكايه إيه
هو فعلا" داه كان قرارك
ولا فيه حد أثر علي إختيارك
سنين طويله وأنا ف إنتظارك
وجيا دلوقتي تقوليلي كلام غريب
أسفه وخلاص ومفيش نصيب
أنا راضي ب النصيب
بس مستحيل أقبل أعتذارك
لو لسه ليا ف قلبك ذرة حنين
لو لسه فاكره إن بينا عشرة سنين
لو صعبت عليكي ف يوم وأنا حزين
ردي عليا قوليلي الحقيقه فين
لو كنتي إختارتيه عشان غني
وعشان كده عليا فضلتيه
أهون عندي من إنك تكوني فعلا" حبتيه
مش قولتي مستحيل هيفرق بينا شئ
مش كنت معاكي ذي الطفل البرئ
مش دي عنيكي إل فرحت لحظة رجوعي
مش دي إيديكي إل كانت بتمسح دموعي
مش داه قلبك إل ياما نورلي الطريق
مش إنتي ال لما الدنيا بحالها سابتني
وقفتي جانبي وسدنتني
وكنتي القشايه لما كنت أنا ذي الغريق
إيه إل دلوقتي حصل
خلاكي تسبيني وأنا بنكسر
وتهدي ف لحظه كل إل معاكي حلمت بيه
ردي عليا قوليلي الحكايه إيه
هو فعلا" داه كان قرارك
ولا فيه حد أثر علي إختيارك
سنين طويله وأنا ف إنتظارك
وجيا دلوقتي تقوليلي كلام غريب
اسفه وخلاص وكل شئ قسمه ونصيب
أنا راضي ب النصيب
بس مستحيل أقبل إعتذارك
تعليقات
إرسال تعليق