احنا جيل محظوظ
كتب/أحمد فوزي
لعبنا ف الشارع ساعة مغربيه المنديل و عروستي و افلام و تماثيل اسكندريه....و نشرب بيبسي ابو 25 قرش من تلاجة عم محمد اللي جنب السيما....و بعدين نخرج بقه يوم الخميس wimpy....حفلات عمرو دياب ف السندباد وما ادراك ما السندباد...فرغلي ف المهندسين نضرب المشوار مخصوص عشان الفخفخينا...مطعم الامم واليمامه سنتر وملحق هيلتون رمسيس التجاري وسينما التحرير كانت جديده واو.... القناة التالته اما فتحت كنا فرحنيين اوي...برنامج اماني واغاني يعرض احدث الكليبات ومسابقات لطيفه حلوة....طارق علام ودهب دهب دهب ومسلسل الساعه ٧ وبس...وممكن كمان ذا بولد اد ذا بيتيفول كنا كلنا شبه بعض...بنلبس من وسط البلد وروكسي وسلطان سنتر وبورسعيد للجينزات...فكرة الكافيهات مانعرفهاش...هو الشارع او النادى او السلم ..شريط كاسيت محمد فؤاد وايهاب توفيق ب ٣ جنيه ونص ومعاه بوستر لو تعرف صاحب كشك الشرايط... ايام جميلة فيها متع بسيطه كانت تملا قلوبنا فرح ...ولادنا بقه يا عيني محبوسين ع التويتر و الايباد .....احنا عيشنا الحياة البسيطه الحلوة .... .تبا للعالم الافتراضي
تعليقات
إرسال تعليق