أغنيه بعنوان صاحبى يا صاحبى بقلم الشاعره غاده عبد المنعم شحاته
أغنيه بعنوان صاحبى يا صاحبى
بقلم الشاعره غاده عبد المنعم شحاته
صاحبى يا صاحبى يا أغلى انسان
انت مرايتى وكل حكايتى
من صغرنا وايدنا فى أيد بعض
من صغرنا عايشين بنحمى ضهر بعض
صاحبى يا صاحبى يا أغلى انسان
كان أول لعبنا مع بعض
كان نفسنا نكبر قوام ونحقق حلمنا مع بعض
كان لعبنا من صغرنا نجرى ونفرح
وكأن الدنيا فتحا لنا أيدها والفرحه عايزه تضمنا
صاحبى يا صاحبى يا أغلى انسان
يا اللى لعبت معايا زمان
يااللى حلمنا نكون مع بعض
وما يفرقنا اى انسان
صاحبى يا صاحبى حقيقى انسان
وقت الشده بيبقى معايا
وقت الفرح معايا كمان
صاحبى يا صاحبى يا أغلى انسان
صاحبى عمره ما فارق عمره ما خان
كنت ايديا مسحت دموعى
كنت مرايتى ورتنى عيوبى
سندى وضهرى و ابتساماتى
وافراحى وعمرى وزكرياتى
بحبك يا صاحب الطفوله والشباب
داه انت سؤالك عنى عمره ما غاب
صاحبى يا صاحبى يا أغلى انسان
تيجى وتزورنى لما أكون تعبان
ولما افرح بتشاركنى فرحى كمان
صاحبى بقول له عن احزانى
صاحبى بقول له عن افراحى
لما بقول له عن جرحى
بلقاه هو علاجه ودواه
اسرارى وحكاياتى معاه
وكل مشاكلى حاسس بيها
وبيحلها معايا كمان
صاحبى يا صاحبى يا أغلى انسان
صاحبى الغالى دايما يواسينى
فى احزانى
وبيهنينى فى افراحى كمان
تعليقات
إرسال تعليق