في مجتمع ظالم كلمات/أيمن البكري
في مجتمع ظالم
كلمات/أيمن البكري
في مجتمع ظالم
ناس معاها كتير ياما
و بتلعب ب الفلوس لعب
وناس مش لاقيه القمه
وعايش حياتها ف رعب
وناس بتكمل عشاها نوم
وصابره وراضيه ب المقسوم
وبتعافر وتدوس علي الصعب
في مجتمع ظالم
ناس معدومة الاءخلاق
وناس بتقطع ف الاءرزاق
والسلعه إل منتشره
كدب وغش ونفاق
إل بيدوس علي الغلبان
وإل بيأكل شقا واحد تعبان
وتأخد عشره علي عشره
لو بقيت من النوع داه
في مجتمع ظالم
رقاصه إم مثاليه
وتشهد زور
هتعيش معانا ف النور
وإل يقول الحق
مالوش تمن ولا ديه
ويتألفلوا ف غمضة عين
مية كدبه وقضيه
في مجتمع ظالم
مبقاش حد عنده ضمير
ولا حد بيساعد الغير
ناس عايشاها ب القوه
وناس سوده من جوه
وناس قتلها خوفها
وناس تبكي علي ظروفها
وناس لما بتشوفها
بتقول لسه الدنيا بخير
في مجتمع ظالم
بنحارب بعض ف أرزاقنا
ونسينا إل خلقنا
ناس معندهاش دين
بيقولوا للشيطان أمين
وناس تخطف وتجري
وناس علي الفاضي تهري
وناس واخدينها سبوبه
وناس عايشه ف غيبوبه
وكلنا ف الحياه تايهين
ولسه الزفه منصوبه
في مجتمع ظالم
ماشيين السكه ب المعكوس
والطيب عليه بندوس
ناس معندهاش رحمه
وناس تايه ف الزحمه
وناس بتبيع لحمها
وناس تسرق ف لحم الناس
وناس يدوب بتعدي أيامها
وناس تحلم وكل أحلامها
تطلع ف الاءخر فنكوش
في مجتمع ظالم
محكمة العدل مقفوله
والقاضي يدوب صوره
بينفذ تعليمات باينه
ف دولة العاهره والخاينه
وناس من كتر ما إتظلمت
نفسها بقت مكسوره
وإل باعونا وباعوها
قاعدين ف أول المقصوره
محدش فينا من جوه سليم
داه ياما ف السجن مظاليم
وياما ناس عايشه وسطينا
ربنا هو إل بيها عليم
وناس تانيه منهم يارحمان يارحيم
في مجتمع ظالم
تعليقات
إرسال تعليق