ولا تنسوا الفضل بينكم ------------------ بقلم الاستاذه اماني فتحي شوقي

ولا تنسوا الفضل بينكم

------------------

بقلم الاستاذه اماني فتحي شوقي 

قال تعالى:"ولا تنسوا الفضل بينكم"..

------------------------------------------------------

 موضوع مهم جدا:-

  يعاني الكثير من الازواج من المشاكلات الزوجيه  التي تكون سبب من اسباب تشتت الاسره وتكون سبب من الاسباب التي تؤدي إلي حالة الانفصال بين الزوجين ومن اهم هذه الاسباب التي تسبب هذه المشاكل بين الزوجين وهو عدم الاهتمام والتجاهل واللامبالاه وعدم التقدير  وبالتحديد بيكون الشكوي من هذا الموضوع من النساء خاصآ دون الرجال ‘...

هنتكلم في هذا الموضوع عن بعض الوجبات المطلوبه من الزوج بالتحديد لتجنب مثل هذه المشاكل بل من الممكن هذا الموضوع يغير من حياة اسره ويسبب نقله كبيره لحياة الاسره من حال إلي حال....

لان ممكن كلمه حلوه تغير من حال اسره. 

بسم الله الرحمن الرحيم 

-------------------------------------

أيها الزوج الواعي احنا بنوجه الكلام لرجل الواعي العاقل العالم بأمور دينه ....

عارف ايه الفرق بين "التقدير" و "الفضل" ... فيما يخص علاقتك بزوجتك؟

في المُجمل ... التقدير هو انك تُبدي معاني الشكر والامتنان قصاد اي قول او فعل حسن منها تجاهك. 

يعني بلبلدي انك تشكرها وتوضح لها تقديرك ومدي سعادتك بأي حاجه تعملها ليك حتي ولو كانت حاجه بسيطه فبكده هتحسسها بالثقه  في نفسها فعندما تحس بهذا من نحيتك هتحاول انها المره القادمه تعمل اكتر من اللي عملته‘ ليه بقي علشان تسمع منك كلام اكتر من اللي سمعته وتسمعك بتمدح فيها لان الست مخلوقه رقيقه الكلمه ممكن تأثر فيها وممكن كلمه واحده تغير من حالها   ومننساش اني اي واحده ست في الدنيا بتحب تسمع كلام يرفع من معنوياتها ويذيد من ثقتها بنفسها ‘...

ودا بقي التقدير ......

نجي بقي للفضل إللي امرنا بيه رب العالمين .

اما الفضل فخليني اشرحهولك في امثله  عشان تفهمه كويس اوي..

-مثال يعني ..

انك تحضن مراتك في لحظات الصفا : 

دا تقدير 

اما الفضل ...(( فهو انك تحضنها وتطبطب عليها في عز مشكله وخناقه بينكم هتحس سعتها بحنيتك وعطفك عليها هتنسيها كل اللي حصل في دقيقه واحده.. 

- انك تفسح مراتك يوم الاجازه ... ده تقدير  

اما الفضل ... (فهو انك تاخد اجازة من شغلك وتفاجئها في البيت ... وتقولّها: سيبي اللي في ايدك انا عاوز افسحك.

سعتها الدنيا مش هتسعها من كتر فرحتها بلي عملته علشانها 

- انك تقول لمراتك "تسلم ايدك" و "ربنا يخليكي ليا" لما تعملك اي حاجه ... ده تقدير 

 (اما الفضل ... هو انك تقول نفس الكلمات ... بس وهي لسه بتفتح عيونها او بتستعدوا خلاص للنوم 

خليها تبدء يومها بتشجيعك ليها وحنيتك عليها ومحبتك سعتها هتعمل اقصي ما في جهدها لكي تظهر نفسها افضل في نظرك وخليها تنام علي سماع احلا عبارات منك لكي تقوم  في اليوم الثاني  نشيطه وتسعي لأنها تبذل اقصي ما بوسعها لتنول ارضائك لنهاية اليوم. 

- انك تعاكس مراتك وتغازلها وهي في قمه اناقتها ... ده تقدير 

((اما الفضل ... فانك تعاكسها بس وهي لابسه مريله الطبخ ... او لسه صاحيه من نومها.

سعتها هتحس انك بتحبها بجد بتحبها علي اي حال من الاحوال‘ هذا هيجعل حياتكم يسودها الود والاستقرار وراحة البال.. 

- انك تقوم بواجبات مراتك المنزلية وهي مريضة ... ده تقدير 

(اما الفضل انك تعمل نفس الحاجات بس وهي سليمه... وتقوللها ارتاحي انا هاعمل مكانك.

سعتها احساسها هيكون لا يوصف وسعدتها لا تقدر.‘ اي واحده ست بتحب تشوف وتحس من زوجها مدي تقديره وحبه لها. 

ولكن المشكله بقي اللي بيعاني منها الكثير من الزوجات هي عدم الاهتمام وعدم التقدير من الزوج ‘ بتكون هذه المقدمه وبداية المشاكل التي تؤدي إلي التفكك الاسري الذي يصل بأي زوجين إلي الانفصال.. 

لماذا لم نطبق ما امرنا الله به 

لماذا لم نطبق ما ورد عن نبينا سيد الخلق سيدنا محمد كلنا يعلم ان رسولنا الكريم كان متعاطف وحنون مع زوجاته كلنا يعلم انه كان يساعد اهل بيته في الاعمال المنزليه كلنا يعلم انه كان يوصي بالنساء ..

(اوصيكم بالنساء ) 

(رفقآ بالقوارير )

وهذه احاديث نبويه صادقه عن رسولنا الكريم 

لماذا كل هذا لم يطبق ؟

لماذا جميع الوجبات والمسؤليه كامله تتحملها المرأه؟

 من بيت وزوج واولاد بجانب عملها ‘وبعد كل ذالك لم تجد المقابل لم تتلقي علي الاقل التقدير من الزوج الم يعلم ان رد فعله يفرق كثيرا معها الم يعلم ان كلمه حلوه منه تفرق معها وتشجعها علي الاستمراريه في الحياه بدون ملل.

ولو هنتكلم في مثل هذا الموضوع لم يكفني موضوع واحد بل محتاجة عدة مواضيع .

ولكن هكتفي بهذا القدر والتوضيح للجميع مدي الفرق بين التقدير والفضل.. 

وماذا يحدث لو كلآ منا فعل ما عليه وادي دوره وواجبه اتجاه الطرف الاخر.. 

الملخص: ان( التقدير) ده حاجه انت مُلزم تعملها عشان ده حقها عليك..

اما #الفضل ... فهو حاجه بتعملها بحب ... عشان تحافظ على حبها ليك وتزيد المودة والسعادة ما بينكم وعلشان راحة البال والستر والخير والبركه التي هتعم علي الاسرة بأكملها.. 

واخيرآ 

(((ولا تنسوا الفضل بينكم )))