طريق شياطين،،،بقلم الشاعر /أيمن البكري
طريق شياطين
أيمن البكري
ليه تمشي ف طريق كلوا هلاك
دوست علي حلمك أملك مات
ضيعت علي الوهم
من عمرك أحلي سنين
قتلت كل حاجه حلوه كانت جواك
مبقاش ليك أمل ولا دافع
الشئ داه لو كان نافع
كان نفع قبلك ملايين
البدايه كانت بسجاره
وف الاءخر ألف خساره
ياما جاتلك مليون علامه وإشاره
علشان تبعد شوف دلوقت وصلت لفين
إل زمان سحبوك من إيدك
مين دلوقت فيهم هيفيدك
قابل لوحدك مصيرك ووعيدك
مدمر مكسور وحزين
ضيعت فيك أمل إمك وأبوك
بعد ما تعبوا عليك ربوك
يبقا داه رد جميلك ليهم
عمرهم يخلص ويفوت
ومالهمش سند يحميهم
إخترت طريقك طريق شياطين
إوقف تاني وقول لا
أنا مش عدوك أبدا" ياحياه
ياما قابلك كتير ربنا نجاه
لما رفع إيدوا ليه ودعاه
مفيش حاجه تستاهل مهما إن كان
إلحق نفسك قبل فوات الاءوان
- إلحق نفسك قبل ما تتوه مع التايهين
تعليقات
إرسال تعليق